गीता फोगत आणि बबिता फोगत
दंगल हा २०१६ साली प्रदर्शित झालेला एक बॉलिवूड व्यक्तिचित्रपट आहे. महावीरसिंह फोगट ह्या माजी भारतीय कुस्तीपटूवर आधारित असलेल्या ह्या चित्रपटात आमिर खानने महावीरसिंह फोगटांची व्यक्तिरेखा रंगवली आहे. गीता फोगट व बबिता कुमारी ह्या आपल्या मुलींना कुस्ती शिकवण्याचे कार्य महावीर फोगट हाती घेतात व ह्या प्रशिक्षणाचा फायदा घेऊन २०१० राष्ट्रकुल खेळ स्पर्धेत ५५ किलो गटात कुस्तीचे सुवर्णपदक जिंकून गीता फोगट कुस्तीमध्ये पदक मिळवणारी पहिली भारतीय महिला ठरते अशी कथा दंगलमध्ये रंगवली आहे. ह्याच स्पर्धेत बबिता कुमारीला देखील ५१ किलो गटात रौप्यपदक मिळते.